Mister, binigyan ng P100K money bouquet ang kaniyang misis sa kaarawan nito
2023-Sep-13 15:33
2024-Jul-16 07:50
Screenshots taken from nyzaaaaamls/Tiktok
Viral ngayon online ang isang ama matapos nitong supresahin ang kaniyang misis sa birthday nito bitbit ang mala-flower bouquet na gawa sa pera na nagkakahalaga ng 100,000 pesos.
Sa Tiktok video ng anak ng lalaki, makikita si Daddy Rusty Salenga na dala-dala ang kaniyang bonggang regalo para sa asawang ipinagdiriwang ang ika-49 nitong kaarawan.
Naisakatuparan lang naman ni daddy ang pagsurpresa kay mommy dahil sa pag-iipon ng pera, ayon sa anak niyang nag-upload ng video.
Naiyak na lang si mommy dahil akala nito, simpleng dinner lang ang selebrasyon ng birthday niya.
Kahit ang buong pamilya, na-shook din sa supresa ni Daddy Rusty.
Pati netizens napasaya't napabilib ni Daddy Rusty sa kaniyang efforts.
"Tapos ang simple pa ng damit ng papa mo.. pero sobrang effort pagdating sa mama mo," ani ng isang netizen.
"A happy wife,a happy life," comment pa ng isa.
Saludo ang netizens kay Daddy Rusty. Higit pa kasi sa surpresa ang pinaramdam niya kay mommy. Mahal na mahal niya ito.